1. Կոմիտեում անձանց ընդունելության կազմակերպումն ապահովում է Կոմիտեի քաղաքացիների ընդունելության բաժինը` ընդունելություն իրականացնող պաշտոնատար անձի նշանակած օրը:
2. Հարցի լուծման հրատապությունից ելնելով՝ անձի ընդունելությունը կարող է կազմակերպվել անհապաղ` ընդունելություն իրականացնող պաշտոնատար անձի համաձայնությամբ:
3. Անձնական ընդունելության դեպքում անձից պետք է պահանջել ներկայացնել անձը հաստատող փաստաթուղթ:
4. Կոմիտեի նախագահը կամ նրա տեղակալը կարող է ընդունել այն անձանց, որոնց դիմումների վերաբերյալ իրավասու ծառայողի կողմից ավելի վաղ որոշում է կայացվել Կոմիտեում, կամ որոնց դիմումները վերաբերում են ծառայողների գործողություններին, կամ դիմողներն այլ իրավապահ մարմինների, պետական կամ տեղական ինքնակառավարման մարմինների ղեկավարներ կամ նրանց տեղակալներ են:
5. Կոմիտեի նախագահի կամ նրա տեղակալի մոտ կարող է կազմակերպվել անձնական ընդունելություն:
6. Ընդունելության կազմակերպման համար Կոմիտեում կարող են նախատեսվել համապատասխան սենյակներ, իսկ դրա անհնարինության դեպքում՝ ընդունելությունը կարող է իրականացվել տվյալ պաշտոնատար անձի աշխատասենյակում:
7. Ընդունելության կազմակերպման համար պատասխանատու պաշտոնատար անձը միջոցներ է ձեռնարկում այն հավուր պատշաճի ապահովելու ուղղությամբ, իսկ ընդունելության հիմքերի բացակայության դեպքում՝ դիմումատուին պարզաբանում է ներկայացված հարցի լուծման համար պատկան այլ մարմիններին դիմելու անհրաժեշտության մասին:
8. Անձնական ընդունելությունների ընթացքում ներկայացված դիմումների վրա նշագրվում են «անձնական ընդունելություն» բառերը: Ընդունելության հաշվառումը կատարվում է այցելուների գրանցման գրքում, որտեղ արձանագրվում է նաև պատասխանի բովանդակությունը, եթե այն տրվել է բանավոր:
9. Անձնական ընդունելության ժամանակ ներկայացված բոլոր գրավոր դիմումները գրանցվում են և ուղարկվում ըստ պատկանելության, կամ դրանց լուծման համար ձեռնարկվում են համապատասխան միջոցներ:
10. Կոմիտեում դիմումատուներին հասանելի վայրում տեղադրվում է դիմումների արկղ, որը բացվում է յուրաքանչյուր աշխատանքային օրվա սկզբին:
11. Կոմիտեում փոստն ընդունվում է ամեն օր` Կոմիտեի փաստաթղթաշրջանառության ապահովման բաժնի կողմից:
